Աշխարհի գավաթի կրկնակի հաղթող, սպորտի միջազգային վարպետ Աշոտ Ադամյանը հաղթել է Մոլդովայի մայրաքաղաք Քիշնևում ընթացող բազկամարտի Եվրոպայի առաջնությունում։
Հայաստանը ներկայացնող 30-ամյա մարզիկը պարտության է մատնել թուրք մրցակցին և 9-րդ անգամ հռչակվել Եվրոպայի չեմպիոն։ Մրցակիցը բավարարվել է արծաթե մեդալով։
Երրորդ տեղը գրավել է Ուկրաինայի ներկայացուցիչ Բուրկա Միկոլան։
Հիշեցնենք, որ Աշոտ Ադամյանը Եվրոպայի չեմպիոն էր դարձել նաև նախորդ տարի։
