Այսօր՝ հունիսի 18-ին, բուհերի ընդունելության 2024 թվականի միասնական քննությունների 2-րդ՝ հիմնական փուլի երրորդ օրն է։
«Մաթեմատիկա» առարկայից քննություն հանձնելու համար հայտագրվել է 4972 դիմորդ (մայրաքաղաքում՝ 1932, մարզերում՝ 3040)։
ԳԹԿ-ն ներկայացրել է թեստերն ու ճիշտ պատասխանները։
Արդյունքները կհրապարակվեն հինգ օր անց, իսկ քննությունից հետո 6-րդ օրը նախատեսված է բողոքարկման համար։
Միասնական քննությունների երկրորդ փուլի հաջորդ քննությունը հունիսի 21-ին է՝ «Հայոց լեզու և հայ գրականություն»։
Հիշեցնենք, որ 2023–2024 ուստարվա բուհերի ընդունելության երկրորդ փուլի միասնական քննությունները կկայանան հունիսի 11-ից հունիսի 28-ը։
Հայտագրվել է 14 696 դիմորդ։